يوميات أحمد ♥و♥ نـٌور ...

الحلقة الاولى

احمد : لو سمحتي حضرتك...ممكن براية

نور: ههههههههههههههههههههههههههه

احمد : حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت

احمد "بصوت عالى" : حد معاااااااه براااااااااية....او قلم زيااااااادة..ردوا

نور : انت اكيد مجنون وطي صوتك الطلبة كلها بتضحك عليك

احمد : ويضحكوا ليه ولاد الدزمة دووووووووول

نور : خلاص خلاص انا هنقل المحاضرة وبعدين اديلك تصورها

احمد : شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد : يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة

نور : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

نور : انت انسان قليل الادب...بجد مش بتعرف تكلم البنات ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك

( نور عشان رقيقة سكتت ومش عرفت ترد على احمد بحاجه وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد وكأنهم قطيع من المواشي

هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى سجيته

هالة : اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور : يا ستي سيبك

هالة : على رأيك

خلص اول يوم في الجامعة وقبل النهاية بدقايق

احمد : يا استاذة يا انسة فين المحاضرة عايز انقلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول

احمد : ومالهم يعني عشر ورجات انتي هتخلفي وعدك ولا ايه

نور : انا مقلتش كده بس في حاجة اسمها تصوير..اسرع يعني

احمد : هههههههههههههههههه اصور ايه بخطك الزفت ده..شوفي ...زفت

نور : حقيقي انا غلطانة وكلام هالة باين عليه صح...بعد اذنك..اوف

سابته ومشيت .....

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

.

.

.

.

هاا ايه رايكم يا جماعه
لو عجباكم اجيبلكم باقى الحلقات لو مش عجباكم عرفونى

» حصريا بناءا على طلب أحد الأعضاء - لقاء مع فريق عمل مسلسل العار - الفنان أحمد رزق - عفاف شعيب - دينا فؤاد - والمؤلف أحمد محمود أبو زيد - والمخرجة شرين عادل - جودة عالية Rmvb :: تحميل مباشر
» يوميات شاب عاطل
» يوميات سعديه الصعيديه وميدوووو الاستايل ...
» حصريا - أفلام وثائقية عن الثورة وقبلها " المشهد - اللحظات الاخيرة - الطريق الى التحرير - الاختبار " و " دولة رجال الأعمال " و " يوميات التحرير " جودة عاليه Rmvb - تحميل مباشر
» أحمد علي ينتقل إلى الهلال السعودي