لا تحسب أني عنيد وبحرق أعصابك

تعال عاتب وشـدد نبـرة اعتابـك
....................للنفس حاجة تميّـز كثـرة اعتابـي
زهبت عذري على شفاهي تحرى بك
....................جهـزة ردي تفضـل ليـه ترتابـي
لاتحسب اني عنيد وبحرق اعصابـك
................تبي الصراحه ماغيرك اتلف اعصابـي
تعال قلي علامـك طـول غيابـك
....................تعال وعوّد علـي مغيـرك اولابـي
مجنون وول جنوني منك وبأسبابـك
......................جنونك اللي تجنن به مـن اسبابـي
تعال قلي غيابـك ويـش سوابـك
....................ماهزك الشوق وجابك لي علي بابـي
البارحه هاجسي ماغير يطـرى بـك
....................وحكي له عنك وسولف له علي كتابي
قلت أنثـره والدفاتركلهـا ترابـك
.....................من غيمة الفكر ابلل ممحـل اترابـي
لين يتساقط مطرهاوتنبـت اعشابـك
.....................ويعم فيها الحياء وتحيابـك ارحابـي
وتنشد عصافير شوقي داخل ارحابك
....................والورد يرقص فراشه رقصـة الرابـي
تدري باني عليك امـوت واحيابـك
.......................لولاك نبض الهـوى ماكـان يحيابـي
اسمك ورسم القلوب ونظرة اعجابك
........................واربع حروفٍ احبـك سرالاعجابـي
تعال كثّرعتابـك وافتـح ابوابـك
......................تعال وخل الغياب انهـارت اعصابـي