خلي الحوار ده لقلبك وبس

اذا اردت الحب فلا تبحث عنه وان جاءك فاحترس منه حتى لاتلقى بنفسك فى حب نهايته جرح اليم وترى الدنيا بعدها كأسا مرير



على الرغم من خبرتى اللى على ادى بس انا قدرت آلف الجمله دى

كتير مننا نفسه يحب ويتحب ويعيش تجارب الحب والهجر والسح الدح وتليفونات بقى

ووحشتنى ووحشتينى والحورات بتاعت الحبيبه دى طبعا كلكم عارفنها اللى بيفكر بالطريقه

دى بيكون سورى فى اللفظ يعنى عبيط اصل الحب مش كده يا جدعان


الحب احساس مش بأيدك تعيشه ولا تجربه دى حاجه بتيجى كده من غير ميعاد واكتر ناس

بتفكر كده هم والولاد اصلهم هم اللى بيروحو ويتكلمو الاول بس مش هنقدر ننكر ان فى بنات

برضو بتبقى مستنيه اى حد يجى يقولها كلمه حلوه وخلال اسبوعين تلاقيهم واقعين فى

بعض حب وتليفونات ورصيد بيطير على كلام فارغ وحورات غيرة ومش اتصلتى ليه وانت مش


بترنلى وتك كير على نفسك وتلاقيهم كانو مع بعض من خمس دقايق ووحشتنى يا عمرى

وماتسبنيش يا حماده وبعدها بكام اسبوع بقى

تلاقى الحب ده مات يا اما زهقو من بعض ومش لاقين يقولو ايه والمعلم اللى بيكون هيموت

ويكلم الانسه دى تلاقيه ندم ويحاول يتهرب بقى ويخلع والانسه اللى بتكون حبته بجد تتجرح


والعكس برضو بيحصل يكون الولد حب واخلص والانسه تكون بتتسلى عايزه تنسى جرح قديم

ولا حاجه ولا فاضيه مش لاقيه حاجه تعملها بتعيش الفتره دى ومع السلامه يا جميل تحبو

تكنو زى دووووول ولا تحبو تكونو زى الناس الرايقه على رأى احمد عدويه

الناس اللى بيستنو الحب يجى براحته ويفكرو هل هو حب حقيقى ولا لعب عيال

وهل الشخص اللى بيخبط على باب قلبى بيحبنى بجد ولا جاى يتسلى بيا هنا بقى لازم

افكر واسخدم البتاع اللى فى دماغى ده ولو حسيت انه جاى يعيشله يومين

حلوين يبقى لازم اقوم معاه بالواجب ومخليش فى نفسه حاجه واديله بقى من اللى قلبك

يحبه هو جاى يبع الميه فى حارة السقايين ولا ايه

اصل انا لو وافقت من غير ما افكر ممكن ربنا يوقعنى مع واحد ابن ناس كويسين ويطلع عينى

ويورينى االعذاب الوان فليه بقى ما نخلينا بنفهم كده ونفكر الاول ولما نتاكد انه بجد

ابن ناس كويسين غير الناس الكويسين التانين فده هيكون الانسان اللى يستحق نضحى

عشانه ونستحمل معاه الايام ونعشها معاه على الحلوه والمره ومهما كانت الظروف لازم نكون


اقوى منها اكيد ربنا باعته لينا عشان نبدأ نعيش حياه اجمل واحلى واهم حاجه نراعى ربنا

فى معاملته ومش نتدلق عليه اوى لازم برضو حبه تقل كده وشويه تناكه بس مش تسوق

فيها يعنى عشان مش يتخنق منك لازم تكون ماسك العصايا من النص

عشان فى شباب بتخنقو من الحوار ده تلاقى الواحد يا عينى بيحب ودايب فى البنت وتبص

تلاقيها صداه مش مدياله فرصه يتكلم طب خدى وادى معاه فى الكلام شوفيه بيفكر ازاى دا

بيبقى محضر كلام عايز يقوله وقبل ما يقول هااى تلاقى الحجر لبس فى وشه مش تقفليها

اوى كده دى حتى مش طريقه........

وعشان بقى مبقاش عنصرى وجيب اللوم على البنات بس فا الولاد لازم يتأكدو الاول من

حبهم مش يروح يتكلم مع واحده ويقول بحبك وبدوب فى دباديب الى خلفوكى وتيجى بعد

يومين وتلاقى نفسك مش عايز تبص فى وشها وتخلع بعد ما تكون البنت حبتك اعتبرها زى

اختك انت تردى لاختك يحصلها كده هاااااااا سكت ليه لالا طبعا خلاص يا عم امشى عدل


ومش اى حد تعجب بيه تروح وتقوله انك بتحبه اتاكد الاول وروح بقلب جرئ مهما كانت هى

مش بتحبك فانت بمجرد ما قلت اللى فى قلبك انت هترتاح ومها كان ردها فانت لازم

متزعلش منه وتحاول تعيش حياتك عادى وتستنى حب جديد مش تدور على حب ينسيك وخلاص ........


دى كلاها مش تجاربى انا طبعا دى تجارب صحابى وناس اعرفهم وانا الحمد لله من النوع التانى

اللى بيستخدم البتاع اللى فى دماغه ده

ومازال عندى امل

ياريت مش تكونو من اخونا اللى عايزين يعيشو يومين حلوين وخلاص

اخوكم المخلص اوي / المهندس محمد اسماعيل علي سيباويه