الفيس بوك وغسيل المخ

بسم الله الرحمن الرحيم


الفاتحه على روح الشهيد خالد


الحمد لله رب العالمين * الرحمن الرحيم * مالك يوم الدين *
اياك نعبد واياك نستعين * اهدنا الصراط المستقيم *
صراط الذين أنعمت عليهم * غير المغضوب عليهم ولا الضالين
آمين
































اقراوا الفاتحه متصربعين ع الموضوع ليه ؟؟؟
ماتجريش بالماوس منك له


















كده الحمد لله كسبت ثواب وكسبتكم معايا نفس الثواب




بس انا عايز اسأل سؤال ... انا لو مت دلوقتى وانا ع المنتدى
يا ترى هتبقوا تفتكرونى وتقولى عليا شهيد المنتدى ؟؟
وليه لاء م احنا بقينا بلد الشهداء ... واحد عطس ومات
نطلق عليه شهيد العطسه ونفس الأمر ينطبق على الكحه
والأن وبعد جهد جهيد اصبح لدينا شهيد الطوارئ ...
افرحى يا بلدى

اعلم علم اليقين ان كلامى هذا لن يعجب الكثيرون ولكنه تفكيرى
ورؤيتى الخاصه جدا بي لكل ما يدور

ولانه قد يكون هو التواجد الأخير لي فى منتدى تعلقت به كثيرا
ولكنها ... الحياة

والعبد لله لست ممن ينطبق عليهم ( خالف تعرف ) لانى الحمد
لله مش ناقص معرفه اللى عندى مكفينى وماليين عليا حياتى ..
ده انا بقيت اتهرب من معرفة الناس

موضوعى ليس عن خالد (شهيدكم) فأنا لست فيسبوكيا
ولا اخضع لاى عمليه غسيل مخ من قبل الفيسبوكيين والفيسبوكيات

بدون الدخول فى تفاصيل اى حادثة لاننى لم آراها بعينى ولم
اسمعها بأذنى وقد علمتنى الحياة اننى لا اصدق الا ما اراه
ولا اقتنع بشئ حتى أمرره على عقلى أولا
ولانه اعتقد بل وعلى يقين ان كل ما يقال على ألسن الناس
الكلمه تصبح ألف كلمه وفى اروقة الفتيس بوء الخبر يصبح
اخبارا والصور وفيديوهات اليتويوبات سهل جدا الفبركة
واللعب بها على اوتار ومشاعر الفيسبوكاتيون والفيسبوكاتيات ...

يملأ عقلى كثير من التساؤلات حول تلك الواقعة
لماذا لم نأخذها كغيرها من الحوادث والجرائم التى تقع فى
شارعنا الاجتماعى كحوادث السطو والقتل والاغتصاب ؟؟

لماذا لم نأخذها مثلا مثل حادثه قتل طفله أو طفل بالضرب
على يد مدرسها ؟؟ ... أو مثل حادثة اغتصاب فتاة العتبة ؟؟
(كنت لسه صغنن انا خالص على فكره ايامها)
أو مثل حادثة اقتياد سيدة كفر الشيخ من بيتها وعلى مرآى
ومسمع من اهل المنطقة تحت تهديد السلاح واغتصابها ؟؟ ....

مع ان مثل تلك الجرائم اشد وطأة ويجب أن تكون أشد استنفارا
وشحذا لهمم الفيسبوكاتيون والفيسبوكاتيات ...
دعاة الاعتصامات بالاسود وضهرهم للترعه سوري قصدى للشارع

لماذا ؟؟ مفيش حد سأل نفسه اشمعنى الحادثه دى ؟؟؟ تنال هذا
القدر من اهتمام شباب وبنات الفتيس بوء ؟؟؟
لماذا اى حادثه يكون طرفها ولو حتى مخبر - المهم يكون تبع
الشرطه او فيما معناه تبع الحكومه - تقوم الدنيا وماتقعدش ...

رد ذكى قالى بكل همه ونشاط وصوته وكانه بيقولى
اه يا عميل ... رد قال علشان دى الحكومه اللى المفروض
تحمينا وده قانون الطوارئ اللى لازم يتغير ودى حكومة
ديكاتورية بنت ستين فى سبعين

قولتله طب المخبر اللى عمل العمله دى او الظابط ده هل هوه ده اللى بيمثل الحكومه ؟ قالى اه

قولتله طب والناس اللى اغتصبت البنات والأطفال والمدرس
اللى قتل تلميذه بالضرب دول بيمثلوا ايه ؟

قالى دول ناس من الشعب

قولتله طب ماهو الشعب فاسد اهوه الحكومه هتجيبه منين يعنى
؟؟؟ هنستورد مخبرين وصولات وأمناء شرطه وظباط من بره
يعنى يحمونا !!!!! ؟

قالى لاء نلغى قانون الطوارئ ....

قولتله وهل الغاء قانون الطوارئ ده هيمنع استغلال الناس بتوع
الشرطه دول لسلطاتهم ؟؟

قالى اهو هيحد منها شويه

قولتله مش مهم القوانين ........................................
المهم مين اللى بينفذ القانون صح ومين اللى بيستغله ويستغل
سلطته ضد الناس الأضعف منه

قانون الطوارئ ممكن يتم الغاؤه ظاهريا فقط ولكن من حق
ظابط الشرطه ( بحكم عمله وان دى شغلته ) يحافظ ع الأمن فى
الشارع وفى القهاوى وفى كل مكان
هيجى ( بعد الغاء قانون الطوارئ ) هيقولى بطاقتك لو سمحت
هطلعله البطاقه لو عجبه شكلى هيدهالى تانى وهيقولى اتفضل
هقوله شكرا

شكلى بقي مش عاجبه هيقولى اتفضل معانا ع البوكس هقوله
ليه ؟؟ هيقولى كده يلاااااااااا ويشدونى ع القسم
( مش ده ممكن يحصل برضو بعد الغاء قانون الطوارئ ؟؟؟ )

يبقي مربط الفرس فى اللى بينفذ ... مربط الفرس فى الناس نفسها وتربيتهم

الظابط استغل سطلته وقتل ... نفس الأمر ينطبق على اللى
استغل قوته ومطوته واغتصب وقتل كمان

ادعو الله ان لا ننزلق وراء عمليات غسيل المخ ع الفيس بوك
وكفايه كده يا كفايه ونحى أغراضك السياسية جانبا بدل
ما تبصي على جرائم الشرطة اللى انا ضدها قلبا وقالبا
بصى على قلة تربية الشعب اللى بينتج لنا رجال الشرطه

اهتمى شويه بالقضايا الاجتماعية لانها الركيزه
التى وان صلحت صلح جسد الوطن كله

*****************

اشوفكم على خير ان شاء الله