التطور الطبيعى للستات بعد الجواز
لما تقولها انا بحبك
بعد 6 اسابيع من الجواز : انا اسعد انسانة فى الدنيا لانى معاك فى بيت واحد
بعد 6 شهور : ياعينى عليا وعلى بختى المايل
بعد 6 سنين : كان يوم اسود يوم ما اتجوزتك
اما تروح من الشغل
بعد 6 اسابيع من الجواز : الحمد لله انك رجعت بالسلامة انا كنت هاتجنن وانت بعيد عنى
بعد 6 شهور : ايه اللى جايبك بدرى كده وكمان جى ايد ورا وايد قدام
بعد 6 سنين : قال يا قاعدين يكفيكوا شر الجايين
جرس التليفون لما يرن
بعد 6 اسابيع من الجواز : كلم يا حياتى- بس متتاخرش عليا
بعد 6 شهور : كلم يا سيدى – ده مبقاش بيت بقى سنترال
بعد 6 سنين : ماتقوم ترد اكيد واحد من الصيع اللى بتعرفهم
وقت الغدا
بعد 6 اسابيع من الجواز : دوق وقولى ايه رايك – صنعة ايديا وحياه عنيه
بعد 6 شهور : الاكل على السفرة – لما تخلص ابقى شيل مطرح ما اكلت
بعد 6 سنين : ملحقتش اطبخ النهارده – عندك الجبنة والسلمون فى التلاجة انا رايحة اتغدى عند ماما
لما تشترى ليها فستان جديد
بعد 6 اسابيع : انا عندى فساتين كتير بلاش تكلف نفسك
بعد 6 شهور : ده فستان تشتريه - ملقتش حاجة ارخص من كده علشان تجيبها ؟
بعد 6 سنين : يا ما جاب الغراب لأمه - فستان ده ولا مفرش سفره؟
لما تعزم اصحابك ع الغدا
بعد 6 اسابيع : طبعا ينورو
بعد 6 شهور : هى العالم دى معندهاش بيوت تتلم فيها ؟
بعد 6 سنين : ناقصة اصحابك كمان ايوة ما انا الخدامة اللى اشترتها لك الست الوالدة
فى العيد
بعد 6 اسابيع : انا احلى عيد عندى هو يوم ما اتجوزتك
بعد 6 شهور :جايب لى قرص القرافه وبتقول عليها كعك
بعد 6 سنين : انا اشتريت ساطور جديد علشان ادبحك بدل الخروف
وهى رايحة للدكتور
بعد 6 اسابيع : انا بقول مفيش داعى للدكتور دوخة بسيطة ودلوقتى هابقى كويسة
بعد 6 شهور : بيقولوا فى جراح المانى موجود فى مصر – عايزاك تحجز لى عنده علشان صباعى الصغير بيوجعنى
بعد 6 سنين : انا عايزة اسافر بره علشان اعمل عمليه تجميل فى حواجبى
الولادة
المولود الاول : الحمد لله انه طلع شبهك يا حبيبى
المولود التانى : طبعا طالع حلو لامه
المولود التالت : أكيد طالما متجوزة قرد لازم اخلف معزة
مجرد دعااااااااااااااااااااااااااااااااااااااااااااااااابه
موضوع: من طرف اخوكم الماجيك سيباويه 
الإثنين فبراير 21, 2011 6:57 pm
