لم اعد يا بلدى اتحمل البكاء
فحبك فى قلبى ينزف دماء
فودت ان افقد حبك او لم يقدر لى الاله البقاء
اتمزق يوما اراكِِِِِِِِِِِ فيه منهاره
واحد بيشكى وواحد بيبكى وواحد بيبنى فى عماره
ناس بتنهب وناس بتسرق وناس فى جيبها حصاله
وناس بالظلم عايشه وناس جمب الحيطه ماشيه
ما تدافعى عنهم مره ولا انتى مش شايفه !!
يعنى ايه اتعذب بحُبك لما اطلع اهتف بأسمك !!
وولادك يموتوا جمبك وانتى شايلاهم فى حضنك ؟!
بلاد بتبنى فى عماير والخراب فى بلادنا ساير
والظلم لافف وداير والفقر لينا زاير
ما نعرفش يعنى ايه حريه ولا حتى الليبراليه !
ولما قولنا ديمقراطيه بقينا نسيا منسيا !
***
لما نغلط علمينا ولما نشتم اضربينا
مش ضرب ضرب ضرب وناسيه حتى تفهمينا !!
بتضربينا ليه مش انتى اللى علمتينا
وانتى اللى فهمتينا امتى ناخد حقوقنا لما الزمن يقوى علينا
ليه بتضربينا وانتى شايفه الظلم علينا
ليه بتضربينا هيبقى الزمن وانتى علينا
***
ناسيه تفهمينا اننا ولادك مش عبيدك
ومهما بتعملى فينا بنرجع بردو ونبوس ايدك
اصلك انتى اللى علمتينا ازاى نحترم الكبير
بس استنى فيه شىء خطـــير ربك هو السمـــيع البصــــير
وفيوم هيقف قدامه الكبير وهيبقى ساعتها اليوم عسير
وهيبقى العرق فيه كتـــير
وناس بتبكى وناس بتصرخ والطفل هيبقى فيوم كبير
والملك هيبقى فيوم فقـــــــــــــير
***
كان نفسنا نحميكى من ناس طمعانه فيكى
كان نفسنا نشتريكى من ناس مش سائله فيكى
***
لسه هتضربينا !! ولسه هتجرحينا !!
ما كنتى سبتينا مدام كرهتينا
ما كنتى ترحمينا بلاش تعذبينا او كنتى توئدينا لما ولدتينا
ليه تهينينا وليه تجرحينا ده احنا كتير جينالك وانتى بتطردينا !
ليه بتطردينا ؟! اه جينالك متأخر .. مش انتى استنتينا !
اه استنيتى كتير بس فى الآخر احنا جينا
كنا مستنيينك تحضنينا وتاخدينا تطبطبى علينا
بس خلاص عرفنا ان العيب كان علينا وانك سنين بتنادينا
وخلاص احنا جينا اوعى تجرحينا واوعى تكسرينا
واوعى تسيبينا من غير ما تمسحى دموع عنينا
احنا جايين نترمى فى حضنك ونشتكيلك من ناس قسّوا قلبك
نفسى تعرفى ان انا اللى بحبك وهما سنين اصطنعوا قربك
ليه مش هتصدقينى ؟!
عشان ما دافعتش عنك لما كنتى بتشتكيلى ؟!
عشان ما جرتش فى حضنك لما كنتى بتبعتيلى ؟!
ليه مش هتصدقينى ؟!
نفسى مره تسمعينى وتدينى فرصه وتفهمينى
انا هشتكيلك منهم وانتى احكمى وريحينى
عارفه عملوا ايه !
قتلونا وموتونا وبالرصاص الحى دمرونا
وبالقنابل المسيله خنقونا
شردونا وجوعونا .. وبالبطاله آخرونا
وبالواسطه والعماله ضيعونا
وبأراضى الدوله نهبونا وبفواتير الميه عطشونا
عارفه عملوا ايه كمان باعونا لاسرائيل والامريكان
وضربوا فينا وداسوا علينا وموتوا ولاد وبنات
زوروا الانتخابات فتحوا السجون ونشروا الامراض
ومبيدات ومخدرات وكمان ضرايب عقارات
ومعتقلات واحتكارات ولا الرشاوى والفساد
عرفتى انا ليه عنك بعيد معلش كنت بجيب حق الشهيد
بس من انهارده ايدى هتبقى فى ايدك اكيد
باراده وعزم من حديد
وهبنى فيكى من جديد من اسكندريه لحد الصعيد
موضوع: قصيده لمصر جميله 
الإثنين فبراير 21, 2011 8:37 pm
